[玩樂誌] 尋找香港世外桃源 獨木舟裝備推介清單及安全守則

夏天為大家帶來美...景,當然睇好野就要出海玩啦,必然唔少得划獨木舟,一個人可以盡興,兩個人可以靠大隻仔划!最緊要慢遊香港每個世外桃源,抵玩價錢玩足一日留下心目中每個美境。希望下個目的地,能遇上妳。

最緊要玩得安全安心,帶齊裝備加上興奮心情,咁就玩得安全又放心。相信係最齊備的清單,仲有獨木舟浮潛裝備清單。


文章主要分享香港更美的海洋,不妨比下Like 各位影靚相既水上活動愛好者!


相關文章:[玩樂誌] 全港獨木舟聖地口袋清單



做足防曬
  • 防曬衫褲 接對唔少得 最環保又最有效的方法,就係防UV衫褲,方便活動之如不傷害海洋,又方便活動,重點唔需要提自己要補

  • 海洋防曬產品 要好好保護海洋,避免珊瑚白化的情況加劇及造成海洋的污染。大部分防曬產品都含有二苯甲酮(oxybenzone)及桂皮酸鹽(octinoxate)等有害珊瑚成分,造成珊瑚白化使與珊瑚共生藻類離開珊瑚,導致死亡。為了海洋生物品種多元化持續可以被觀賞,使用「海洋友善防曬」係必須既。 可考慮礦物型防曬霜、什至「防曬口訣ABC」A(Avoid)避免曬、B(Block)海洋友善防曬、C(Cover)適當遮蔽物方法避免。 按此查看類似產品

  • 防UV太陽眼鏡 可保護雙眼免受猛烈陽光直射或水面反射到眼睛

  • 太陽帽 避免曬黑/傷你個靚樣,我會買可以保護埋後頸既帽,咁就萬無一失


所需工具
  • 防滑可濕水鞋 上岸少不了要濕水,有時未必係沙灘,遇上石灘免得滑石跌倒或被貝殼割傷

  • 手套 免得擦傷,可保護雙手。有時玩得耐用力關係都會起沈。

  • 防水袋 裝曬你所有必要行裝,除了防水,掉落海都有足夠浮力。

  • 防水電話套 不要相信 iPhone/ 智能電話的防水功能,好多朋友儘管冇跌電話落水都出事。因為唔防咸水! 所以防水電話套非常重要,而且有機會跌落水都有小小浮力可以執番。

  • 毛巾 除了濕透後也可抹乾,天有不測之風雲又可以保暖

  • 救生衣/助浮衣 大部分租約獨木舟的地點都配備,記備要穿上!因為在危急關頭可補你一命。



額外工具
  • 蚊怕水 避免蚊叮蟲咬,野外島嶼真係好多蚊蟲!

  • 水+糧食 獨木舟幾需要體力的運動,加上在烈日當空進行,補充水分及糖分最重要。暈浪除了可食暈浪丸,有時低血糖都會引致,飲少少食食少少野都有幫助。

  • 替換衣物 玩完立即換番套靚仔女衫,乾爽舒適去下一場活動

  • 急救用品 小心駛得萬年船,做好充分準備,必須要帶急救用品。我會建議帶生理鹽水、防水膠布、大塊紗布、繃帶、剪刀、夾仔、醋等等,預防出海割傷或受海洋生物炸傷的一些清洗及處理急救用品。


獨木舟浮潛裝備

大多香港獨木舟景點,除了有美麗的海灘,更是海岸公園會有靚靚的珊瑚區。同時可以玩岩浮潛,親親海洋。記得帶埋以下的浮潛裝備咁就有奇妙既一日。 浮潛時要小心船浪及水面船隻,以免湧浪將人沖往礁石,發生危險;除此之外,浮潛時踼腳要輕力,保持浮動,不要踢踏珊瑚。不要觸碰海洋生物,你都唔想你屋企比人搞啦!


  • 浮潛鏡 全面式浮潛鏡 有助不認識口部呼吸的朋友可用鼻呼吸,缺點要試試面形及不能自由潛水(不能減壓) 浮潛鏡(眼鼻式) 使用口式呼吸(配上吸管),能自由潛水。缺點用鼻呼吸會入水起霧。

  • 浮潛吸管 建議使用阻擋式呼吸管通道,即使潛水時潛入水中,也可阻止水分進入呼吸管。如果唔係個頭低小小就飲水架啦!同埋浮潛吸管都係One-size唔會有特長架,因為以免你吸入自己過多的二氧化碳。

  • 記得著埋助浮衣及帶上手套,萬無一失

  • 蛙鞋 良好蛙鞋絕對令你簡單踢腳在水上輕鬆游動,Optional!

  • 潛水警示標 由於大部份水域都有機會有船隻航行,以免發生意外,建議在水面有足夠的標示警告船隻在這個地方有人進行水上/浮/深潛活動。


浮潛裝備工具教學:





安全守則
  1. 注意當日天氣、潮水及環境等,不要輕視雷暴警告

  2. 不要單獨行動,要有朋友/玩伴

  3. 不要做自己能力/體力範圍以外的嘗試

  4. 出發要做好詳細策劃,路線、時間、體力、航道危險性等

  5. 掌 握基本泳術

  6. 反艇請保持冷靜,尋找友伴幫手上番船,不要隨意棄船,以游泳方式回岸