[日韓味魅-紅磡] 精米食堂 日系健康美味大份三餸一飯 米気

紅磡 - 米気

計埋Muji 今次係我第四次食以點餸的日式家常料理 細細份 但可以試到好多野 不過就辛苦一眾有選擇困難症的朋友 建議由飯+主菜+冷盤+溫盤 各揀一個 中意的朋友可點埋甜品 不過有時大食的我都覺得三餸一飯已經好飽啦 大大份 . 🍚米: 醬油蛋飯 👍 第一次食醬油蛋 原來係有醃過的生蛋黃 影起相黎幾上色 👍 好勁的打蛋方法啊 比我可能分蛋白個時已經整爛 👍味道方面有點而咸 但蛋黃好香蛋汁配白飯 咸咸地已經好好食 👍米飯係我中意的口感 偏硬偏有彈性 有日本米既甜度 不過就唔太分到咩風味 本地再成為精米的分別 可能下次我要帶碗飯去比較下 推介指數: ⭐⭐⭐⭐/5 . 🥘主:東坡肉 👍味道係好日式 偏向醬油 微微甜 但冇中式咁肥膩 味道似吉吉家個種(成年冇去過) 👉炆煮唔夠耐 唔夠淋 有點而大舊同硬 👍但第一次配撘黃介未咁食 又出期地冇咁肥 可以食多2舊 推介指數: ⭐⭐⭐/5 . 🥗冷: 柚子醋海藻沙律 👉開初我睇圖片 以為係綠綠紫紫 較為嫩滑的海藻 點知係海帶... 👍柚子醋幾開胃 唔會太酸 岩岩好 不過冇咩突別 海帶都夠淋 推介指數: ⭐⭐⭐/5 . 🍢溫: 築前煮 👍高質 應該岩好多朋友仔食 味道比關東煮濃味 比較甜 用甜醬油煮既 👍所有野都煮得好淋好入味 連蓮藕蘿蔔 連蒟蒻都好入味 冇左平時大家覺得唔知食緊咩既感覺 仲有2件肉肉都煮得好鬆化 推介指數: ⭐⭐⭐⭐/5 . 玄米茶好飲 我好怕坊間的玄米茶太過綠茶/太過培茶既Feel 而佢真係玄米 米既味道好香 湯都有驚喜 加$15會以為都係麵豉湯 點知係蔬茶肉湯 . 💁服務: 正正常常 點單好似叫車仔麵 咁tick tick ⛲環境: 日式木系設計 陽光充滿 -------------------- Overall 評分時間(每項最高5分): 💚食物:👍👍👍👍 💛環境:👍👍👍👍 💜服務:👍👍👍 💙抵食程度:👍👍👍 (所有評分係由 價格同相關質素之比例) 總結: 07 /10⭐ [冇得唔試] -------------------- P.S. 給你小資訊: 最低消費為$85 -------------------- ℹ️ 餐廳資料: 米気 地址: 紅磡黃埔天地百寶坊(第3期)地下G32號舖 電話: 35431101 -------------------- #yydining #yy6star #YY紅磡 #日系 #YY日韓味魅 #叫餸食飯 #飯 #米 #蛋 #沙律 #東坡肉 #築前煮