近年香港興起唔少的Cafe，去到Bar枱望住個Menu又睇唔明，佢又係咁問我想要咩，我只係想要一杯咖啡姐。不過咁佢地都想帶比你咖啡的質素及認識更多風味，成為一個識Chill之人。身為文青的你，又不想在櫃枱面前失霸氣，以下既要點你要知道。包括：不同咖啡飲品、選擇鍾意既咖啡豆（處理法/地區/風味）等等。
Nutty 定係 Fruity 我只係唔想有酸味。。。又怕苦
Nutty
多數帶有焦糖、可可、果仁等等，相對會較為低酸，通常帶有小小回甘。
多數來自巴西、哥倫比亞、中南美洲及印尼產地混合。
Fruity
多數帶有果酸，一些成熟水果的風味，例如橘子、士多啤梨、桃等味道。
數來自非洲產地，包括肯亞及埃塞俄比亞等產區。
Fruity豆唔代表酸，層次其實會更加分明，因為果甜香更為突出，更有奶昔的感覺。
其實，Nutty 同 Fruity都係佢地既 HouseBlend 黎架。。。
HouseBlend 係自家調配的咖啡口感同風味，為左提高咖啡風味的穩定性及平衡性而「混豆」，將唔同口味地區的咖啡豆混合使用，亦都展示咖啡師想帶出的風味及特性。當中 HouseBlend 仲可以細分唔同的風味，包括Nutty及Fruity。
什麼差差是SOE，又要加$5？
「Single Origin Espresso」指的單一產地Espresso，咖啡豆的口味更有針對性，風味更加明確、辨識度更高、更有特色。
但係相對「混豆」（即不同產地混合）要求更高，因為會受天氣等因素影響，對咖啡師及咖啡豆的要求更精準。
我只係想飲 Latte 餐牌只得Black or White?
黑咖啡（Black Coffee）
即是齋啡不加牛奶、不加糖，即係Americano、Long Black、Lungo、Ristretto及Espresso等。主要飲番咖啡的風味及質感。
白咖啡（White Coffee）
即是加左奶的啡，即係Latte、Cappuccino、Flat White等等。其實一般都冇另加糖，因為打熱左的牛奶甜甜地。
Latte、Cappuccino、Flat White 又有咩分別？
佢地都主要由 Espresso，牛奶及奶泡組成，當中以不同的比例組成而帶出不同的口感。
Flat White
主要由Espresso，牛奶組成。相對Latte注重奶身的質感，相對更加薄身奶泡和細滑的口感，只佔非常薄什至得5mm的奶泡，注重順滑的口感。(1:2:1)
Latte
相對Flat White 更注重表面奶泡的質感，泡沫感較為綿密，大約有1cm的奶泡，相對的層次會比較豐富泡沫豐盈綿密。根據傳統的關係Flat White因為少左表面的泡，所以用到的杯體積會比Latte細，同樣比例上Espresso的比例就變得比Latte較高，傳統黎講咖啡味道更濃郁。(1:2:2)
Cappuccino
傳統的Cappuccino，Espresso 要求的份量會係2 shot，比起Latte 多一倍的份量，組成的比例更要求1:1:1。味道相對豐富濃厚、口感相對更有層次，帶有厚實粗奶泡。
有時講講下仲有處理法，我都唔知點揀？水洗日曬？
要成為可品嚐的咖啡，要經過好多的功驟。每一個過程包括烘焙、沖煮、保存方式及都會影響不同的風味，缺一不可。而生豆處理方法係其中之一個主要因素決定當中的層次。
撇除複雜的過程，咖啡師會強調處理手法，不限於此：
日曬法
最原始的方法，採收後的咖啡果實連表皮直接在陽光下曝曬兩周或以上。生豆完全吸收果肉的風味，更能帶出豐富而複雜的香氣及甜味，保留咖啡豆自然醇香。
水洗法
雖然係相對節省時間的方法，但過程較繁瑣。採收後需脫除果皮與果肉再以水浸泡方式發酵。水洗整過過程較易控制，因此風味上不像日曬豆較早易有雜味，風味相對明亮感、酸香更明顯！
蜜處理
是日曬法的簡易版本，去除果皮將果膠層與生豆曝曬，讓果肉的甜度可以進入到豆子，又不用像日曬法花這麼長的時間。混合以上2種處理法得好處，酸度低、甜度較高，同時帶有果香味。
Tasting Note 上不同的咖啡風味係咩？
咖啡同品嚐紅酒一樣都可以嗅或飲去品嚐香氣，感受當中的風味、餘韻、酸甜度、平衡及質感等等，先介紹經常提合的風味。
風味融合品嚐者過往所有味蕾與嗅覺感官對食物的印象及經驗而產生的聯想。儘管Tasting note上顯示不同的味道都係主觀的風味，都會受文化地域而有所不同。主要大類包括：花香、果香（橘子/漿果/熱帶水果等）、發酵、植物蔬果、香料、堅果、甘甜等等。沒有對與錯，只係一個形容方便溝通，下次你可以同咖啡師形容你想要的咖啡。
最後，一杯咖啡的酸味、苦澀、回甘、甜感等等都好取決於咖啡豆品種、產地、烘焙、沖煮、保存方式及咖啡師的調配與手勢，千變萬化的風味，每日為你送上驚喜。
Comments