早兩年前, 為左想去Working Holiday, 想做一啲接觸人比較多而且響城市入面既工, 又知道澳洲人中意飲咖啡, 就上網搵一啲咖啡課程學下, 就比我響YMCA搵到個 City and guilds 咖啡調配師資格證書課程, 就好沖動地報咗。雖然最後好多原因下冇去到~
但第一堂上既時侯先發現原來比我想像中, 有啲唔簡單。先至開始上網了解下咩既課程, 但係原來香港到而加都冇咩人去介紹同講解。亦係上堂其間, 中意左飲咖啡, 研究咖啡, 因為咖啡實在太有風格同格調, 好多的變化, 亦都好想介紹如何欣賞咖啡。所以最後好努力, 仲以90分拎埋個Distinction。
為左解開大家既疑問, 等我用QnA同大家分享下:
咩係 City and guilds ? 係一間來自英國倫敦全球最大國際職業證照認證機構, 超過130年歷史。 提供包括好多餐飲類型如咖啡cocktail職業證等。所獲終生有效證書是國際通用、國際認可的知識和技能。認證資格更可獲海外就業機會、亦可成為專業技術移民的專業技能條件之一。
City and guilds 國際咖啡調配師認證 學啲咩架? 會對咖啡及咖啡店飲品有初步的概念, 對咖啡吧檯實務有基本的認識, 大至內容係: 概念關於咖啡、茶、朱古力及奶昔 咖啡豆及各種意式咖啡標準 咖啡店客戶服務、衛生及檢查設備 XX 不包括拉花
考試考咩架? 主要分2部分
筆試 一共20題 長短答題, 答對12題為合格
實務試 16分鐘沖好7杯飲品, 包括: Filter coffee, expresso, cappuccino, latte, tea, chocolate, smoothie
雖然在香港做一個咖啡師未必需要一個牌照, 但係亦代表一個資歷, 加油! 除左實務性的內容, 下集會分享下考試同上堂的心得。
相關文章